李泳豪向鼎爺偷師學廚冧女

學吓刀工先啦！

藝人李泳豪前晚出席主演的電影首映禮，孖生哥哥李泳漢及媽媽施明前來捧場。問有否邀請爸爸李家鼎（鼎爺）？泳豪說：「老竇忙到嘔，依家要去錄影廠先見到佢！」

怕父親廚藝失傳

提到其父有「阿爺廚神」美譽，可會跟對方學廚藝？他指自己廚藝是零：「因為我對食冇乜要求。（驚失傳？）都o架，依家慢慢學，遲啲喺老竇私房菜館幫吓手。（煮嘢冧女呀？）冧到女o架咩？咁要學吓，要由刀工學起。」同場的「仙樂都」吳堯堯則以低胸露臍裝現身，受訪時笑指導演梁成致似乎好憎她：「套套戲都要我死！」

另外，無綫熱播節目《阿爺廚房》大受歡迎，除了鼎爺教煮餸外，亦有「試食官」譚玉瑛教整甜品，但鼎爺似乎不太受落。譚玉瑛受訪時指對方不是甜品Fans：「甜品多數離唔開奶同芝士，記得上一輯最後一集錄影，我整芝士蛋糕，佢即刻出咗廠。」鼎爺表示節目中所有菜式都是由他一手構思，問會否再添食？他笑說：「我做到暈咁滯，啲菜式用到盡，之後都好忙，九月頭要忙舖頭開幕，未有時間。」

教我煮餸氹女仔吖。（設計對白）	吳堯堯前晚性感現身首映禮。	譚玉瑛錄影時整芝士蛋糕，笑言鼎爺「頂唔順」出咗廠。

文：影視組