黃翠如主動出擊部署求婚

黃翠如與陳智燊（Jason）前日出席「全新Volvo XC60 新車發布會」，翠如透露日前患感冒，服用抗生素及類固醇後已開聲，但男友蕭正楠竟提議一起去打邊爐，即被她拒絕。問到可擔心影響工作？她透露將以情侶檔到澳洲登台，因為要唱歌，都擔心唱得不好。至於會否怕再傳秘婚？她說：「我認真諗吓同佢求婚，等大家唔好再傳，我覺得鍾意一個人，就算女仔主動都冇所謂！」

自駕遊冇計劃行程

翠如坦言不擅計劃，更自爆令蕭正楠沒安全感：「上次我哋自駕遊冇計劃行程，我睇地圖睇到個名幾得意，去咗個近海嘅地方，我自己OK嘅，但佢就話冇咩安全感。開頭佢以為我係旅遊達人會好多計劃，但我話有車，有咩事就停低架車瞓覺。」最後由蕭正楠出手駕車，但翠如透露此行沒吵過架，更大讚男友脾氣好。

蕭正楠終於恨到啦！

陳智燊和黃翠如都試過自駕遊。

陳智燊可信度輸GPS

另外，Jason直言試過與太太宋熙年為駕駛而爭執，因太太相信GPS多於他：「我揸車佢有時都會驚，驚嗰時轉緊路口就會嗌出嚟，會嚇親我。其實我哋對於對方揸車冇信任，依家都適應緊。（你咪冇得做人肉GPS？）佢信部GPS仲多過信我！」另外，提到資深藝人岳華近況，他說：「係瘦咗，佢不嬲都食得好清，佢咁Fit咪冇事囉，我都有同恬妮姐同佢個女溝通，OK呀，冇嘢。」

文：名人組