譚俊彥添7磅9大隻仔狄龍搶閘探孫

育有一名兩歲多女兒譚晴的狄龍兒子譚俊彥早前宣布喜訊，原本太太月底才是預產期，但昨日突然作動，足足早了一星期，隨即聯絡醫生及安排太太入院開刀生BB，最後順利誕下兒子，湊個「好」字！孫女出世時，父親狄龍遲了到醫院，故今次再做「爺爺」的他收到消息後即與太太陶敏明搶先到醫院，一見孫仔即笑不攏嘴，三代同堂合照幸福滿瀉。

預捱眼瞓餵奶

譚俊彥受訪時坦言已有經驗，故今次不太緊張，又指有入產房「陪產」，但就沒有剪臍帶，因為醫生不批准：「呢排拍緊《特技人》都好忙，冇乜時間瞓，每日只瞓幾個鐘，試過揸車返公司喺公司門口瞓着咗！套劇都要拍到10月，今晚要開工，但唔緊要，預咗時間會照顧太太同幫手餵奶。」問到再做父親心情，他笑言好反覆：「成日着住戲服，做戲多過做自己，有啲亂！」問到父親狄龍鍾意孫仔還是孫女？譚俊彥坦言冇乜特別：「佢都好錫孫女，不過佢係一個好傳統嘅男人，大家都明啦！大家諗啦！」

譚俊彥全程陪產，但未諗送甚麼獎勵太太。	譚俊彥的兒子分量十足，已改名叫「譚杺」。	由於太太突然作動，譚俊彥安排一切後急急抱着女兒入院等消息。

唔排除生多個

提到兒子改名為「譚杺」，譚俊彥笑言鍾意以兩個字命名：「譚晴、譚杺（談情談心），好玩嘢呀！（會唔會生多個？）將來有個『老三』都好，但要等小朋友大個啲先，等我拍多幾個劇賺多啲錢先。（點獎勵老婆？）未諗呀！我啲錢喺晒佢度，佢鍾意點就點。」

文：影視組