林泳淘晒水着起雞皮手多摸巨龜

無綫J2旅遊節目《3日2夜》每集都有靚人靚景，今晚播出的一集有「東張小花」林泳淘帶觀眾遊澳洲新南威爾士，介紹海邊泳池時更穿上白色泳衣谷盡32C索爆身材，超級養眼！不過當時氣溫只得七度，泳淘笑言驚凍死異鄉：「凍到起晒雞皮呀！其實我都仲未慣着泳衣出鏡，但咁靚嘅環境咁着都正常，入鄉隨俗嘛！（有冇Keep Fit？）每一餐都太好味，忍唔到口，臨拍之前係導演同工作人員阻止我再食嘢。」
林泳淘大騷32C養眼身材。
林泳淘大騷32C養眼身材。

零下八度睇星

泳淘難忘遊覽Dubbo動物園，一行出帳幕就見到長頸鹿、羚羊、加拉戈哥象龜等動物，感覺猶如置身非洲大草原，她又搞笑地撫摸巨龜頸，巨龜即舒服到硬晒軚昂起頭來！另外，愛刺激的泳淘挑戰叢林鋼索飛行、空中跳傘及冒大浪出海探鯨魚，她又在零下八度低溫通宵拍星空及日出，旅程難忘。

林泳淘貪靚捱冷都要水着出鏡。
  • 林泳淘貪靚捱冷都要水着出鏡。
林泳淘摸巨龜頸，舒服到龜龜昂起頭。
  • 林泳淘摸巨龜頸，舒服到龜龜昂起頭。