陳奕迅飛車搵醫生謝晒冇聲出

Eason今趟到台北主要為睽違三年、將於10月推出的國語專輯宣傳，每張專輯都是他的心血結晶，如非迫不得已，他都不願取消宣傳工作。據知Eason為避開颱風襲港而漏夜飛過台北，起行時已感身體不適，加上舟車勞頓，由專輯聽歌會，到上電台、網絡通告等宣傳工作，連踩了十幾個鐘頭，加重喉痛不適。承受喉嚨發炎痛楚的他一直頂硬上，直至完成工作回酒店後，經理人擔心喉嚨不適狀況加劇，並顧及早年Eason開騷時曾因喉嚨發炎導致失聲，最後更搞到入院，故建議他取消今趟的所有工作安排。最初Eason希望繼續工作，但最終不敵病魔，決定回港就醫。

指手畫腳溝通

昨日下午四時，全黑裝扮踢拖的Eason戴住黑超、口罩遮掩病容抵港，步出機場大堂時，被問到是否喉嚨痛到不能說話？病到無厘心機的他雖未有作聲，但都擺擺手做手勢表達「有心」意思，頭帶耳筒機的他再被問有冇聽到提問？Eason即除下耳筒機，示意聽到。有粉絲見到Eason即舉手機影相，他亦禮貌地任影唔嬲，還做手勢提醒大家要小心走路，期間有機場工作的職員喚他一聲：「Eason！」Eason即拱起雙手做出「請請」作打招呼，全程表現友善，但他顯得有點疲態，臨上車時記者叮囑他「保重」，他再次「請請」及揮手多謝大家關心。

陳奕迅原定在台灣宣傳六日，因不適無奈提早返港。	機場做手語 手指指 陳奕迅因喉痛未能講說話，但努力做不同手勢跟記者溝通。	請請

趁等(車立)消毒雙手

隨後Eason在司機接載下直奔尖沙咀一幢商業大廈睇醫生，下車時見到記者鍥而不捨，Eason終忍不住開口細聲說：「你哋唔係跟埋我上去嘛？」其助手即出聲阻止：「唔好嚇親人！」Eason在大廈等候電梯時，見牆上有消毒洗手液機，他亦不忘搓手消毒保持衞生，在診所逗留約一個小時後，他落樓見到傳媒即無奈地搖搖頭登車返家休息。

揮手	消毒液搓手 陳奕迅到商業大廈睇醫生，趁等升降機即刻伸手攞消毒液。	放大圖片

據知Eason本應在台灣逗留六日做宣傳，然後由台灣直飛杭州為浙江衞視的第二季《中國新歌聲》進行錄影，因工作取消關係，他可休息幾日，希望盡快痊愈再投入工作，稍後還要再飛台北進行第二轉宣傳。今次Eason在台灣病倒，緊急返港睇病，不禁令人回想15年前，他在台灣做校園騷時，因失足撞爆「蛋蛋」急送入院，更是嚇壞人！

文：音樂組

攝：追蹤組