色狼跟足7日！姚紫茵被非禮留陰影
現年22歲的模特兒姚紫茵（Bonnie）擁有36D驕人上圍，近來社會愈來愈多變態色魔出現，原來她亦曾不幸遇過色狼。她透露約四、五年前，曾被跟蹤及非禮：「返屋企時畀個戴口罩、手套嘅男人跟到上樓，然後喺走廊佢突然捉住我，之後就伸手入我條裙，我嚇到大叫，阿媽即刻衝咗出嚟！」她指回家後受驚過度，只敢躲在床上：「之後阿媽就話報警，後來警察睇番閉路電視，發現原來個男人跟咗我7日先落到手，事後我都即刻搬，因為色魔知我住邊層邊個單位，最後警察查咗半年都查唔到。」
高招嚇走怪人
Bonnie坦言自此留下陰影：「搞到以後返屋企都好驚，有次返屋企一路開唔到門，好驚，一直望後面，睇吓有冇人跟住我，同埋一發現到啲人有奇怪動作我就好驚。」她亦指現時安全意識比以前高很多，更有高招嚇走怪人：「試過有次一直畀人望住，但我望佢佢就扮瞓覺，所以我用電話影佢，佢即刻唔再望。」她又透露之前到書展出席活動時，聽過有粉絲講有個包到冚、只露出雙眼的古怪男人在人群中自慰，令她大感奇怪。
底線三點不露
講到平時工作衣着性感，問到可擔心被人當作性幻想對象？Bonnie直言：「之前Facebook有人inbox同我講，話之前坐監嗰陣，都係睇住我影過嘅，性感雜誌嚟解決佢嘅需要，我心諗佢都傻傻哋。（唔想人哋咁諗？）係都自己收埋，唔使同我講，我唔想知！」工作方面，她近來忙於拍戲、拍劇，閒時亦有登台打碟，講到工作的性感極限，她表示：「接受到泳衣、內衣同露背，三點就一定不露。（驚唔驚人哋定型你做性感女星？）都唔會驚，唔諗人哋點睇，自己點諗最緊要。」
文：音樂組
攝：張福宏
化妝：Yanki@GabyMakeUp