阮民安與妻爆冷戰承認「分開」

「MK Pop始祖」E-Kids成員阮民安（Tommy）昨日被讀者爆料，指他見事業有起色而日夜工作，傳嬌妻Eva不滿被冷落致兩夫妻爆冷戰，在友人前都貌合神離，更在機場拍得Tommy單拖孭着BB在商務櫃位辦理登機手續，Eva未見在場。
阮民安孭住BB辦理登機手續。
阮民安孭住BB辦理登機手續。

身在日本的Tommy昨日接受電話訪問時表示：「我同太太係分開，係工作上，但我哋冇問題，家庭幸福。（點解唔見其他成員？）佢哋搭唔同嘅機，我帶住BB要搭商務嘛，BB少少錢就可以上機，可以平價旅遊。」為何Eva沒有同行？他指Eva只是較早入閘，不過她並非專誠陪他開工，而是出席大阪騷，日本通的她會幫E-Kids做幕後打點。Tommy又指新歌《咪諗》花六位數字製作，到日本拍攝是想帶給歌迷驚喜。

Eva與BB亦有現身機場。
  • Eva與BB亦有現身機場。