研究煲仔飯韓藝瑟貼地遊旺角
憑韓劇《茶煲阿四》上位的韓國女星韓藝瑟，日前與韓劇《又，吳海英》男星金基石來港取景拍攝下月啟播的MBC韓劇《20世紀少男少女》，她趁拍攝空檔相約香港名媛好友黎曉靈（Kimmy），Kimmy於前日下午五時許帶韓藝瑟到旺角掃街。
玩寵物睇金魚
身穿露背長裙露紋身的韓藝瑟現身鬧市時，由於韓劇效應，被不少途人認出，但韓藝瑟不介意途人注目，連續逛了多間寵物店及金魚舖，對每事每物均十分好奇，經過賣煲仔飯的食肆時，她更伸手打開煲仔飯的煲蓋研究一番，Kimmy則在旁為她講解，但最後二人未有進入餐廳。
未幾她倆「轉戰」藥房，韓藝瑟似乎對中藥油及藥品頗感興趣，最終選購了兩盒潤喉藥品離去。逛了近一小時，二人到珍珠奶茶店買茶味雪糕食，二人用匙羮開心Share，眼見Kimmy似乎不太欣賞，韓藝瑟索性棄用匙羮一人獨享，可是她吃得非常論盡，雪糕流到手上及身上，手忙腳亂，令遞上紙巾的Kimmy也忍不住大笑！其後，Kimmy上載了帶韓藝瑟食雞蛋仔與辣蟹的相片。至於在港經歷了十號風球的韓藝瑟，昨晚已返抵韓國。
食雪糕好論盡
事實上Kimmy與不少外國明星相熟，像美國名媛Paris Hilton、韓國組合Big Bang來港，亦有招待他們。昨日Kimmy在電話中受訪時，承認與韓藝瑟非常老友，難得對方來港趁機敍舊：「以往佢嚟香港做嘢，公關多數帶佢去高級嘅地方，其實佢好貼地，咪帶佢去試多啲本地嘢、食吓街邊嘢食，佢婆婆係基督徒，所以又帶佢去見我個牧師。」
文：名人組