翟威廉劉佩玥澄清從沒過夜
藝人劉佩玥被指趁為無綫big big channel開Live唱歌收「兵」，與翟威廉飲品共享，還於合演新劇《跳躍生命線》時打情罵俏，拍攝完畢更到翟威廉工作室過夜。
劉佩玥回應指因天氣熱貪方便才飲翟威廉口水尾：「我男仔頭樣樣嘢都冇乜所謂，開機前總唔能夠麻煩工作人員幫我拎飲品，所以Share搞掂。」她斬釘截鐵否認到翟威廉工作室過夜：「通常夜晚10點到12點開Live後，一班人食嘢吹水檢討，有時可能傾晏咗，但絕對冇過夜。」而翟威廉亦澄清對方沒有過夜，對於飲品兩份飲，他說：「佢係我超級好妹妹，無所謂啦！」但亦會避忌以免引起誤會。
而與翟威廉緋聞傳足五年的前港姐陳庭欣，被問到會否送上祝福？她說：「如果係真，當然會啦！（冇呷醋？）點解要？」