香港9歲「小巨肺」譚芷昀（Celine）昨晨以經典動畫歌曲出戰《全美一叮》半準決賽，被評判Mel B狠批選曲不當，當場眼濕濕，幸獲其他評判「護航」，更有不少網民表示已投票撐她晉級！
Celine人仔細細就於美國才藝比賽真人騷《全美一叮》（America's Got Talent，AGT）連過幾關，獲評判按「黃金按鈕」（Golden Buzzer）直送入36強半準決賽，連月來成為全城焦點。昨晨她出戰半準決賽，雖未以偶像莎蓮迪安（Celine Dion）的歌曲迎戰，但亦以「海豚音天后」瑪莉亞卡里（Mariah Carey）與已故天后雲妮侯斯頓（Whitney Houston）合唱的動畫《埃及王子》（The Prince of Egypt）主題曲《When You Believe》上場。
着上花花裙的Celine肉緊獻唱，飆盡高音騷Quali，但一唱完竟被首個發言的評判Mel B批評：「我覺得呢首歌對你嚟講太難唱，我其實覺得你係叻嘅，我只係想你揀過另一首歌，我係愛你嘅。」觀眾聽到負評紛紛喝倒采，Celine亦相當尷尬，更一度眼濕濕，幸好其他評判Simon Cowell、Heidi Klum與Howie Mandel即時力撐，Heidi說：「忘記晒佢（Mel B）頭先講嘅嘢……我睇好你可以喺百老匯劇、電影同音樂上發展！你做得好好。」Howie與Simon亦指Celine只得9歲，已經很犀利。當主持Tyra Banks問Celine有甚麼想說時，她靦腆表示：「我只係想美國投我一票！」大會昨晨未有即場公布賽果，將於今晨的直播節目揭曉Celine能否過關進入準決賽。
對於遭批評揀錯歌，Celine經理人蕭定一表示：「歌係監製揀嘅，我哋冇權選擇。」賽後大批網友於社交網留言鬧爆Mel B，有人表示：「佢得9歲，佢應該唱乜啫……小恐龍班尼（Barney）嘅兒歌？」不少人更稱已投票撐Celine出線。至於Celine亦收拾心情，拍片上載社交網拉票。
文：外娛組