澳門停電陸詩韻杯麵都冇得食

藝人陸詩韻及何佩瑜（Jeana）昨日身在澳門為電影拍攝，但由於颱風吹襲被迫留在酒店，更遇上大停電，搞到沒電煲水，杯麵都冇得食！詩韻在社交網上載酒店漆黑走廊照並留言：「酒店停電，賭場停電，電動門鎖、電梯唔work，餐廳爆落地玻璃……好得人驚！」她受訪時說：「間房黑到不得了，因為係電窗簾開唔到！好多酒店落地玻璃爆晒，又間歇性停電！」而Jeana則表示：「冇辦法，只可以停工，我哋諗緊晚餐點算。」
陸詩韻
陸詩韻

至於歌手吳若希（Jinny）的寶貝女Giselle一直居於澳門，Jinny接受電話訪問時坦言受影響：「停咗2、3個鐘頭電，冇得開冷氣又唔可以開窗，仲話有可能停水，我同工人姐姐即用桶裝水。」並指男友Alex的寫字樓玻璃窗被颱風吹爆。

陸詩韻指酒店走廊及房間全都漆黑一片。
  • 陸詩韻指酒店走廊及房間全都漆黑一片。
Jeana被迫停工，滯留酒店。
  • Jeana被迫停工，滯留酒店。