美國兩大「神枱級」流行樂壇天后「籮霸」珍妮花露柏絲（Jennifer Lopez）與瑪莉亞卡里（Mariah Carey）日前齊齊登上雜誌《Paper》最新封面，以超性感造型對撼！向來身材Fit爆的籮霸造型華麗，穿上銀色閃片舞衣，心口中門大開設計拋出極洶湧半球，事業線密不透風，籮霸受訪提到下月初舉行的賭城「賣身騷」：「我覺得啲人去親（賭城）都會狂野冒險同飲酒或做其他嘢，而我就唔會做呢啲嘢。你明我意思嘛？我係嚟跳舞，而呢樣嘢就係我做過最狂野嘅事情，我曾經跳舞跳到凌晨四點。」至於不時被指身形暴脹的瑪莉亞索性半裸上陣，僅以長曲髮遮胸，突然離奇搵番條腰，都好搏盡。此外，拉丁天王Ricky Martin、男子組合Backstreet Boys都成為其中一個封面人物。