小儀切除甲狀腺 要食一世藥
電台主持人小儀前日在網誌透露在本月初接受了甲狀腺結節手術，休養兩星期後周一復工開咪，喉嚨貼上疤痕貼的她昨日透露，去年底感到右手麻痹兼甲狀腺腫脹，經朋友介紹下向專科醫生求診：「醫生照完話要做手術，因為兩邊結節好大，右邊有成4點幾cm，左邊嗰粒都差唔多大，依家一次過割晒。」
直認淆底
手術成功的小儀自爆2015年已發現甲狀腺有結節，由於當時化驗結果是良性，故未有即時處理：「當時有好多工作，加上有睇中醫同針灸，佢（結節）又真係細咗。」人生第二次接受手術，小儀直認淆底，因為始終有風險會影響聲帶。現時切去兩邊甲狀腺，她對此笑說：「依家冇咗個器官。」
小儀表示現時要靠食藥補充甲狀腺素：「要食一世，同埋每個月要睇醫生Check甲狀腺素。」並直指經歷今次手術後，覺得保險很重要：「真係幫到好大忙，不過早日醫治就最好喇。」貪靚的她坦言傷口痊愈後會隱藏在頸紋：「希望好番有美容院贊助去疤方法。」
文：音樂組