喊4秒收聲蘇永康叫囝囝「淡定哥」
歌手蘇永康（阿公）、陳柏宇（Jason）及側田前晚為音樂會綵排，講到他們代表三個不同階段的男人，阿公即對新婚的Jason說：「有仔趁嫩生呀！我依家日日舉住個仔，仲辛苦過舉鐵呀！」Jason即笑言會盡力。阿公又自爆歌詞字幕上的字體比其他人大：「我啲字大到弱視都睇到，佢哋嗰啲就好細粒。」
提到阿公的囝囝Jazz愛上咬他的手指，阿公坦言現時不敢戴戒指：「佢咬到咪弊！」又透露開騷時會帶囝囝去後台觀看他的演出，希望囝囝習慣一下他的工作形式：「之前第一次帶佢出嚟，閃一下燈佢都嚇親，喊咗4秒，但拍一拍佢又定番晒，所以佢之後有個朵叫『淡定哥』！」