黎諾懿密賺連拍8廣告

藝人黎諾懿、姚子羚和湯洛雯昨日出席薛家燕主持的新城節目訪問，宣傳即將播出的新劇《燦爛的外母》，家燕說：「未試過拍完即刻播，同呢班年輕人拍戲好開心，完全冇代溝。（套劇受廣告商歡迎，所以抽起原本安排播嘅《三個女人一個因》？）好多謝廣告商，咁公司要分啲花紅畀我哋。」家燕笑指黎諾懿家底好，有主動夾錢「萬歲」請食飯，又踢爆他拍了多個廣告，黎諾懿說：「我都唔夠張繼聰多，我拍咗八個。」劇中飾演其妻的湯洛雯笑言證明她「腳頭好」旺夫。家燕續讚三人拍劇有要求，黎諾懿即笑說：「家燕姐話你有天分，其實大家都會心裏一沉，因為家燕姐好多時講嘢係有弦外之音，要學家燕姐嘅圓滑。」