撞車驚險梁烈唯輕傷要拜神
藝人梁烈唯（唯唯）前晚為邵氏網劇《飛虎極戰》拍攝時被車撞倒，劇組即時將他送院治理，唯唯先後到律敦治及養和醫院照X光，幸沒有大礙。唯唯昨日負傷一拐一拐出席《big big channel滿月宴》，說到意外經過，他說：「當時拍攝一場簡單追截戲，我畀吳卓羲追捕衝出馬路，原本係我撞到個武師，然後武師撞上車度，但真正拍攝時我避唔切架車，撞咗落架車度，當時下意識用手（禁）住架車，都有啲暈暈哋，之後搵手（禁）住個地，覺得膝頭好痛。」
感激吳卓羲關懷
唯唯坦言被撞後右膝很痛，左膝有少許痛，幸而沒斷骨、裂骨：「今日照埋磁力共振，嚇親同場嘅吳卓羲同陳凱琳，經過尋晚，我愛上卓羲，佢對我嗰份關懷令我好感動，我係女仔都會嫁畀佢。」說到連環受傷當黑，唯唯說：「向好嗰方面諗，其實呢啲意外可以更加嚴重，感恩後面有股力量保護我，都要拜神！」而意外發生時，在場的陳凱琳頻說：「好驚、好驚！意外就係意外，希望佢快啲康復。」
