高海寧收樓等鄧智偉送大床
藝人高海寧（高Ling）昨日在社交網上載與父母收樓的相片，母女齊齊晒V十分開心，原來初做業主的她前日收樓。
高Ling昨午出席無綫活動時笑言，揸鎖匙開門時開心到眼濕濕：「個單位522呎，兩年前開始供樓花，月供約2萬，依家已升咗100萬。我畀咗四成，仲差六成，我儲咗好耐錢。我哋一家五口，驚唔夠住，可能租出去，我都搵咗蘇民峰師傅望過，佢都話旺財又旺丁！（開Party踩旺佢？）都好呀！睇吓邊個報名。（鄧智偉送咗咩？）冇傾過喎！不過好多電器都未有嘅，好似電視機。（大床呢？）未喎！（叫佢送啦！）都Welcome o架！」