林盛斌讚慈姑椗好大兜
37歲藝人林盛斌（Bob）再做老竇喇，之前已育有三名千金霏霏、熹熹、機機，今次第四度做老竇，還成功追仔，手握「慈姑椗」猶如中六合彩般開心，真係恭喜晒！他在社交平台報喜，並晒了囝囝的影片，留言說：「各位哥哥姐姐，你哋好！我靚唔靚仔呀？」網友紛紛留言指囝囝勁似阿Bob，Bob仔看落亦很大隻，喊時夠大聲、夠氣，認真似足老竇。
Bob受訪時表示自己既匆忙又興奮：「太太喺伊利沙伯醫院產子，由於之前三個女都喺呢度順利出世，所以選擇番喺呢度生。」他指BB太大隻，醫生話過幾日會難生啲，搞到昨日要安排催生，又透露BB重7磅幾，並特別感謝醫護人員幫忙。
激動到喊
Bob續分享喜悅：「過程好順利，太太痛咗個幾鐘，成個生產過程幾個鐘搞掂，我都有入產房剪臍帶，見到太太好辛苦，我都激動到喊咗出嚟！」現時他相當忙碌，既要照顧太太、三位千金，又要安排親友探BB，他指三位千金知道細佬出咗世都好興奮，不停問幾時可以見細佬，Bob只好拍片、影相給三個姐姐同細佬打招呼先！問BB大唔大兜？Bob笑說：「好大兜！好有衝勁，勁過爸爸。」問到B仔改名未，他說：「依家好忙呀，未改！」
文：影視組