前日（20日）為名媛諸葛紫岐的34歲生日，碰巧當日是其丈夫薛嘉麟的爺爺96歲農曆生日，所以薛嘉麟搞了一個別開生面的生日飯局替兩位壽星慶祝。由於諸葛喜愛卡通人物麵包超人，所以飯局現場置有相關主題的氣球，而薛爺爺也開心得在現場大派利是，諸葛的兒子亦親自畫畫作為生日禮物。
諸葛昨日受訪時直言生日願望非常簡單：「一家人開開心心，身體健康已經係願望，唔需要話買啲乜。（老公送咩？）哈！好多愛囉！（送樓？）唔需要，向來唔會叫佢咁做，當然佢真係送我唔抗拒啦，大家一向財政獨立。」對於早前諸葛自爆炒股損手，她說已完全收復失地：「一個星期已經賺番。（七位數字？）都有嘅，我投資股票好多年，老公知我有分寸，唔會過問，佢係穩陣派好少投資股票，佢反而好熱愛做生意，可以喺公司由朝做到晚。」她續說稍後會跟媽媽享受「二人世界」，來個母女旅行團：「佢一直都當我係小朋友，依家都會拖吓錫吓o架，好似兒童節都會買禮物畀我，哈！今次係兩母女一齊去旅行，佢話地方任我揀，當係生日禮物。」
文：專案組