對於何超蓮創立慈善團體，她的兩位閨蜜鄧紫棋（G.E.M.）及李蘊大表支持。G.E.M.說：「我覺得超蓮成立呢個慈善團體非常之好，呢半年見佢真係落手落腳去做，見佢有成長嘅感覺，好替佢開心。（佢夠力擔擔抬抬？）我又唔擔心，佢唔係弱質纖纖，佢都好有霸氣（口架）！佢生活入面都有幾男仔、幾堅強一面。」她自爆稍後會與超蓮一齊做campaign，但暫未能透露詳情。
李蘊很欣賞超蓮的善心：「佢雖然係千金小姐，但佢係真心出力幫人。（佢平日使唔使做家務？）家務應該唔使佢做啦，佢屋企有好多姐姐幫手。佢都有叫過我幫手，如果下次佢有慈善活動，我又喺香港都一定會參與。（你夠唔夠力先？）我花名叫大力蘊，幾年前上TVB遊戲節目，同幾個女仔鬥大力我贏咗，主持嘟姐（鄭裕玲）都話我係大力蘊。」