王寶葆臨時遭換角改名轉運
藝人王寶葆（春卷、前名王宝宝）早前原本有機會參演由荷里活男星史提芬史葛（Steven Seagal）監製的大片，連工作簽證亦辦妥，豈料出發前被易角，她無奈地說：「個角色係女主角，飾演蒙古公主。我本身有蒙古血統，之前仲飛去泰國試鏡，已經傾好咗，但最後因為某啲原因臨時換人。」
赴美散心兼慶生
經過易角一事，春卷有感原名不利事業，決心改名轉運：「其實好多年前有人講過『王宝宝』呢個名好差，提議我改名，但原名係媽咪改嘅。經過今次真係覺得好黑仔而決定改名，我連身份證同其他文件都改晒，新名同原名讀音一樣，只係寫法唔同。」
大感失意的春卷早前遠赴美國洛杉磯，逗留一個多月散心兼尋找新經理人公司，望演藝事業有所突破，並順道在當地慶祝27歲生日。日前返港的她已忘記不快，重新投入工作，現正忙於拍攝錢國偉執導的新片，與張松枝合作並飾演反派，當中有不少武打場面。
文：名人組