陳炳銓有「芯」（抓）撈演情侶檔

由陳炳銓、余曉彤（Hidy）、王宗堯與吳海昕主演的ViuTV劇集《賤民20》拍攝已進入尾聲，已煞科的Hidy大感不捨：「真係好唔捨得大家！我要好多謝導演安排我飾演王宗堯老婆，因為角色比較正常，冇其他演員有好黑暗嘅場面出現。」
李佳芯與陳炳銓的戀情慢慢浮面。
李佳芯與陳炳銓的戀情慢慢浮面。

除了演出外，陳炳銓還參與創作部分，他直言碌盡人情卡邀請演出：「好多朋友都係幫手參演，真係有血有淚嘅作品，我怕煞科嗰日會喊出嚟！成套劇由頭賤到落尾，我估都釋放咗佢哋啲陰暗面！（叫女友李佳芯幫手客串？）都唔同公司，呢個就冇可能喇！睇吓其他地方有冇機會合作啦！舞台劇、電影嗰啲囉！我實唔介意，專業o架嘛！」

煞科在即，陳炳銓不時在片場自拍留念。
  • 煞科在即，陳炳銓不時在片場自拍留念。