JW紅館騷獨舞為男友禁Sexy
最近事業大躍進的歌手JW，比舊唱片公司老闆黎明更易取得紅館檔期舉行處女騷。蜜運中的她為尊重男友，預告開騷不會賣弄性感外，連舊愛的親友亦統統疏遠，堪稱廿四孝女友。
歌手JW（王灝兒）、許志安、樂隊Supper Moment、JW舊愛Mark Ngai的妹妹魏韵芝（Joyce）與薛世恒等昨日齊齊出席《大家樂壇2017》街頭音樂會。入行7年的JW，自年多前離開黎明（Leon）旗下的唱片公司後，歌唱事業大突破，預告明年1月首踏紅館舉行個唱。提及黎明試過取不到紅館檔期，她答得大體：「Leon做過幾多次紅館，我冇可能快過佢！」又透露屆時有驚喜給歌迷：「之前去咗洛杉磯參考人哋啲演唱會，睇吓可唔可以帶外國嘅元素畀大家。（想跳舞？）上次有20個Dancers，今次就想有一Part係Solo。」現跟化妝品連鎖店太子爺Tarzan發展穩定的JW，被問到男友可會介意她性感演出？她即支支吾吾說：「希望係靚，唔好太性感就得，過到自己嗰關。」
撞正舊愛個妹大方合照
曾與鄧紫棋（G.E.M.）現任男友Mark拍拖的JW，活動上撞正Mark的妹妹Joyce，兩人應要求大方合照。JW透露中學時已認識Joyce，事前不知對方在場，但不會尷尬：「我哋都係老朋友。（少聯絡？）呢排就真係少咗啲，佢係TVB（合約藝員），我又唱歌就少見面囉！」至於可有跟舊愛Mark聯絡？JW直言冇：「忙緊籌備紅館個唱，連家人都好少見。」問到與現任男友是否同樣少見面？她即甜絲絲說：「盡量點都抽時間去見咁重要嘅人，好夜都會見一見面，但唔會考慮同居。」談到好友G.E.M.為何沒有現身支持，她表示跟對方少聯絡。
另外，同場的許志安表示今次首次做街頭表演，問到可會嘗試Busking，他笑說：「怕人話我搞亂個Party。」
文：音樂組
攝：黎志輝