翁嘉穗兒子挑戰世界紀錄
前港姐冠軍翁嘉穗昨日陪同16歲長子鄔謨雲（Jason）出席舉重慶功聚餐。Jason日前以港隊身份打破男子青年舉重比賽三項亞洲紀錄，翁嘉穗為兒子的驕人成績感到開心。
Jason明年將升讀大學，他坦言希望到美國讀書並繼續玩舉重，翁嘉穗則認為兒子出國能放眼世界和學獨立，問到屆時會否到當地陪伴，她說：「梗係想啦！但佢話『你點解要……』（反而佢唔想？）睇到時安排。」Jason透露現時未有拍拖，想專注學業及運動，對舉重更愈玩愈喜歡：「有個大我一年嘅朋友叫我一齊參加比賽，見到幾好玩咁咪一齊玩。」以破青年組世界紀錄為目標的他，不覺壓力大，並說：「今次壓力反而會大過下次，因為我本來咩紀錄都冇，就算下次失敗，我都仲有個亞洲紀錄。」