簡淑兒擇偶條件唔准公開錫錫
東網巨星節目「海馬牌床褥特約」《閨蜜睡房》，請來宅男女神簡淑兒（Jessica）睡衣Look上陣任嘉賓，經常笑到腰果眼的她表示年幼時性格內向，舉家移民美國初期，更因不諳英文而經常被同學仔蝦，除了經常唔見文具，連屋企也試過被掟雞蛋，至長大後兼職做Sales，因經常被經理安排站出門口與客人Say Hi，才慢慢鍛煉出膽量。
會嗲爆男友
大學畢業後，Jessica於母親多番游說下，終決定參選港姐，她說：「因為我知道入到圍就一定可以返香港。」貴為宅男女神，理應裙下之臣者眾，能夠當上Jessica另一半絕對開心都嚟唔切，但她卻笑指入行初期拍拖，對方起初不知其藝人身份，結果分手收場！問到於男友面前可會放下身段？Jessica說：「我會好小朋友，冇咗Tough一面，覺得唔需要咁堅強，成日都會嗲住佢，嗲到你會嘔o架！」更大談擇偶條件，她表示外貌屬其次，重點是對方要接受不能公開拖手及接吻。
Jessica帶了一件「私物」於節目上分享，她說：「呢樣應該會係好多人嘅私人物品，就係Headphone，因為我有失眠，成日會瞓唔着，唔知點解日頭成日發白日夢，夜晚突然間就會將人生所有嘅思考彈晒出嚟，所以好多時會聽歌。」講得興奮的Jessica更自爆家中習慣：「好多人鍾意裸睡，但我唔得，可以唔着底底，但一定要着條褲仔，不過有機會都想試吓裸睡。」
https://goo.gl/QYF76g
文：影視組