張敬軒瘦肉發福驚變五花腩
歌手張敬軒早前請假照顧家中四隻生病的愛犬，可能養尊處優下發福不少，向來瘦削的他日前與助手行街驚現小肚腩之餘，面頰亦圓碌碌。
自上月初舉行完音樂會後，張敬軒（軒仔）專心為家中四隻愛犬做「寵物看護」，他曾表示家中狗狗因年紀老邁，兩隻有心臟病外，另一隻又因生病而癱瘓，故日日留於家中照顧牠們。不過，軒仔日前難得空閒，見他與女助手現身中環行街。
晒招牌「四萬咁口」
當日下午5時半，身穿白色Tee的軒仔與女助手於該處商場閒逛，但卻沒甚斬獲。兩人隨後邊行邊傾步往商場外等車，期間見到記者拍照，他即揮手打招呼，並展露招牌「四萬」笑容。向來身形瘦削的軒仔休息個多月後，明顯發福不少，見他面頰飽滿外，而曾經為演唱會狂操的一身Fit爆肌肉，如今腹部卻微微隆起驚現肚腩，似乎日食夜食下增磅不少！及至七人車駛至，軒仔即急急腳上車，看來是趕回家照顧愛犬。此外，軒仔日前現身成龍與袁詠儀的「破冰飯局」，與汪明荃等合照。
文、攝：追蹤組