陳瀅唔夠「的骰」冇仔追
藝人陳瀅昨日到馬鞍山一個商場出席活動，性感上陣透視中門，問到為何如此性感？她笑說：「熱呀大佬！係你哋覺得性感啫！（熱就着小背心啦！）手臂粗呀！」問到會否考慮接泳衣騷？她坦言曾收到邀請：「公司嫌我肥，幫我推咗，但我依家瘦咗好多。」
提到最近與好姊妹劉佩玥合作拍攝無綫新劇《跳躍生命線》，可有趁機叫對方介紹幾隻「兵」？她即笑指好友「好大隻」：「咩都幫我擋晒！（佢留畀自己咋！）其實係佢多行內朋友，工作又多，所以先咁多呢啲話題。」她坦言想拍拖，但不想傳緋聞，又表示一直鮮有異性追求：「男士真係比較鍾意啲細粒、嬌小同得意嘅女仔，想保護佢哋。（咁你咪着高踭啦！）我成日都着平底鞋！」