唔擔心一姐之位被搶吳若希自認「阿妹」
歌手吳若希（Jinny）及吳浩康等前晚到將軍澳電視城為薛家燕等主持的節目《流行經典50年》錄影，主持人薛家燕以華麗晚裝亮相，合照時獲同場兩位男士掀起裙襬化身「蝴蝶」。
Jinny透露在節目中獻唱其作品《越難越愛》等，有指被師妹菊梓喬搶去星夢一姐地位，問到是否藉機會收復失地？她笑說：「公司簽佢之前我都讚佢把聲好聽o架！（擔心失去地位？）唔會，我成日都話我係阿妹嚟，我都叫老闆（何哲圖）幫我講番清楚呀！」講到曾是同門的許廷鏗已離巢，問到會否覺得人事全非？她說：「都有少少唔慣，加上我身份唔同咗，做埋媽咪，啲同事笑我一返嚟放低個袋就咩都唔理，喺屋企照顧人多，依家重拾工作，我都想畀人照顧番呀！」
而吳浩康表示為其網上Live節目碌盡人情卡做主題曲：「又到咗一個碌卡Season！（碌卡都有Season？）有o架！想年尾交啲成績出嚟，每日都拎住電話簿做人，多得啲前輩、朋友咁幫手。」