周麗欣不忿被笑似男人跳鋼管舞變Sexy
做演員不止靠靚樣，更要自我增值、爭取演出機會，無綫藝員周麗欣（Doris）原來已學習鋼管舞長達三年，談到選擇這項才藝的原因，Doris心有不甘地說：「曾經有男同事話我係男人，完全冇女人味！可能異性會覺得我似兄弟，都幾傷我自尊心，所以學Pole增添女人味。」
Doris學跳Pole Dance旨在挑戰自己，優美舞姿背後亦付出不少血汗，她更自爆因心急考升級試而不慎受傷：「最後雖然升級成功，但由於練習不足、唔夠力量，令左肩同左腳受傷，要休養9個月先康復。」雖然辛苦，但她笑言因練舞建立自信：「覺得自己Sexy咗，身邊人多咗欣賞同讚賞嘅眼光。（跳畀男友睇？）喺男友面前跳壓力好大！會因為唔自在而跳得唔好，反而更享受喺朋友或觀眾面前跳。」
