歌手石詠莉昨日到電台宣傳新碟，她表示新碟銷量好將會加印，並有意請食飯慰勞幕後工作人員，又笑言希望將來賺到更多錢，目標是請身兼其經理人的未婚夫鄧健泓食軟飯，以及請工作人員去旅行：「大家幫幫手吖！佢係經理人，但酬勞係零，佢平時仲要做我司機車出車入，又要理埋我事業，呢碗軟飯抵佢食啦！」
