入行30年捱出頭姜皓文終於做男一
藝人姜皓文（黑仔）、陳靜、廖子妤及周國賢等昨日到深水埗出席新片開鏡。入行逾30年的黑仔一直默默耕耘，繼今年4月首獲香港電影金像獎「最佳男配角」提名後，如今擔正電影男主角，他說：「的確好緊張，話晒第一次孭飛做男主角，但調節得OK！我依家有4部片約喺身，今次演一個成日唔記得嘢嘅角色，呢樣嘢同傻係一線之差，要好畀心機拿捏！」
陳靜離奇「變樣」
問他會否以唱歌減壓？他坦言唱歌是玩票性質：「咁啱朋友拍咗片放上網，冇諗過咁大回響。（唱埋電影主題曲？）問吓廖子妤先！」廖子妤即笑言很高興與對方合作：「兩歲就睇佢演出，因為我比較成熟！想同監製商量睇有冇機會同黑仔合唱主題曲！（你哋有感情線？）幾撲朔迷離，係開放式交代，會幾新鮮！」
同場還有小休復出的性感女星陳靜，她被指樣子有點不同，她解釋說：「我飾演OL，導演想我盡量唔化妝，今日只係畫咗眼線，平時我比較濃妝，初初有啲唔慣呢個Look，但為咗拍戲OK嘅，戲裏面我會粗暴對待黑仔！」
文：影視組