衛詩雅開槍淡定：其實呆咗！
衛詩雅出席電影活動時手執道具槍擺Pose影相有板有眼，原來早前她向導師學習開槍技巧，期間被槍聲嚇呆，卻被工作人員讚大膽！而忙拍打戲的麥子樂，頻頻食對手何佩珉的拳頭，體會到動作演員的辛苦。
女星衛詩雅、麥子樂、歌手陳奐仁、陳凱彤及英皇集團主席楊受成夫婦等前晚出席由英皇電影發行的新片《保鑣救殺手》首映禮，衛詩雅與麥子樂手執道具槍合照時更大擺「Chok甫」！
麥子樂打到七彩
最近忙於拍攝動作片的衛詩雅，在戲中亦有揸槍的場口，她特意去上堂學揸槍：「係比想像中難，原來開槍係咁大聲，想縮o架喇！有工作人員見我開槍，話冇諗過女仔咁大膽、咁定，其實我係呆咗！」衛詩雅又自爆拍畢一日開槍戲後，手指痛了一星期。在新戲中可需要性感？她笑言：「唔會啦，我近期密實啲，個個都知我冇天賦身材！」亦忙於拍戲的麥子樂透露為此曬黑及積極操Fit，他說：「戲裏面我成日同何佩珉對打，大家都有中啲無情力嘅拳，我有同何佩珉講唔好意思。今次拍武打戲，要一Shot落打十招，係好辛苦，令我更尊重動作演員！」
陳奐仁唱新歌被ban
同場的陳奐仁講到早前上內地Hip Hop節目，被指頻頻唱舊歌的他透露下星期將推出新歌：「因為係要唱人哋最認識你嘅歌，唱新歌會畀人ban o架！（今次想唱新歌被ban？）冇人話要我唱新歌！」他又指好友歐陽靖（MC Jin）被淘汰不會可惜，參與節目是希望支持Hip Hop新星。
文：影視組