黃心穎送上門見家長

藝人黃心穎與陳智燊昨日齊齊出席活動，心穎透露稍後飛到倫敦與韓國歌手鄭俊英拍攝旅遊節目，預計月底返港，提到緋聞男友馬國明現身在歐洲，屆時會否有時間會合對方？她說：「唔會喇！返香港先見。佢返到香港又要忙住搬屋，我都未諗到送咩入伙禮物畀佢。（放啲自己私人物件喺佢屋企？）唔會！（叫佢畀條鎖匙你？）唔使。」心穎又自爆從未見過對方父母，若果馬國明搞入伙派對，不介意屆時見埋家長，但不會特意拜訪怕尷尬！早前同樣成功置業的她笑言經理人知道她要錢供樓，所以幫她多接工作：「每月都要供超過2萬，11月開始供，仲有時間去籌錢，睇吓有冇善長仁翁！（搵馬國明？）佢自己都要供樓。」