洪金寶入院「換零件」休息半年

影星洪金寶前晚帶傷在西九龍出席電影節揭幕活動，受腳患影響的他訪問時坦言剛從北京返港，翌日要入醫院「換零件」處理腳患問題：「我都唔知咩手術，要搵啲嘢出嚟再提煉，再擺番入去，擺喺膝頭，醫生話要休息4至6個月。」

不過，需要不時回公司開會的他笑指自己依然會四圍去，最多坐輪椅：「慢慢行囉，唔好跑。（停幕前工作？）就算要上陣都係自己部戲啦，不過都11月，到時OK(口架)喇！」提到二仔與女星劉奕兒拍拖，直認見過女方的洪金寶就大讚對方斯文，更叫三個仔快點生B、個女快點嫁：「屋企人多熱鬧啲嘛！」

周家蔚對付囝囝扭計

至於洪金寶的新抱周家蔚（Janet）與孫仔洪大仁（TJ）昨日在另一活動亮相，家蔚玩射擊遊戲期間，TJ在身旁耍功夫「打氣」，非常搞笑。訪問時，Janet指囝囝非常嗲，有時對方扭買嘢，她便會叫囝囝從「媽咪陪你」和「媽咪返工搵錢買畀你」中二揀一：「佢話要我，暫時係啦，要得幾耐得幾耐，大個啲佢就要女朋友。」

提到囝囝曉耍功夫，她即指老爺打算送他去少林寺：「我都捨得(口既)，可能出年、後年暑假。」講到她在本月25日生日，她即指老公洪天明仍未有表示，希望對方早日約實她。

文：影視組