露雲娜唱慘情歌老公氹番
資深歌手露雲娜與監製老公Perry Martin昨日現身旺角一家唱片店，為周六下午3時舉行的簽名會作準備，她親手搬新出的HiFi碟《酒紅色的心》上架，向顧客推介，之後更成功賣出十多張新碟！她被歌迷捉住簽名和合照，儼如開小型簽名會，她揚言望正式舉行時多與歌迷傾偈。
露雲娜指新碟花了近一年製作，要從玉置浩二的作品中選出適合自己唱的歌曲：「我最鍾意《拒絕再玩》，因為大家都掛住原唱嘅張國榮。」她讚老公重新編曲出色，自己在錄音室邊唱邊跳，結果被下令不准動作太多！她覺得碟中的《愈想愈無謂》難捉摸：「陳奕迅唱過，我要寄隻碟畀佢，睇吓佢覺得我個版本點。」提到唱日文歌《Yubikiri》時想喊，她坦言是很慘的歌，幸有老公氹番：「老公日日都氹我！佢對眼好犀利，有時唔出聲望住我，都感覺到佢嘅愛。」
