張寶兒冧讚袁偉豪默認戀情
港姐張寶兒被本報獨家披露與前港男袁偉豪展開「B&B」戀情，昨日她回應事件時頻頻冧笑，坦言二人「了解中」，間接承認戀情：「感覺大家都表示友好，再睇吓點囉！」對男方的追求開晒綠燈！而袁偉豪舊愛岑杏賢亦大方送祝福：「如果係真會恭喜佢哋！」
現年25歲、2016年港姐「友誼小姐」張寶兒（Bowie），日前被本報獨家披露暗撻港男出身的袁偉豪（Ben），二人早前為節目《打工捱世界II》到非洲拍外景，回港後保持聯絡，令感情升溫。而Ben似乎對港姐情有獨鍾，繼前女友岑杏賢後再次與港姐交往，被封「港姐殺手」。
Bowie昨日到將軍澳電視城開工，被追問戀情時頻頻冧笑，承認與Ben了解中：「去到互相了解嘅地步。（有冇單獨約會？）去完非洲之後大家有聯絡，同台前幕後有個Group，所以咁樣傾偈都係一種了解。（係咪喺非洲撻着？）係非洲認識，之前只係同事。」問Ben是否她喜歡的類型？Bowie冧笑說：「我好欣賞佢！（欣賞佢大隻？）佢係一個好務實好出色嘅藝人。（有冇感覺到佢追你？）感覺大家都表示友好。（即係你都畀機會佢？）起碼唔抗拒，再睇吓點囉！」
拍拖當接Job？
Bowie與前任男友分手一年，問到是否已準備拍拖？她即尷尬地說：「都好難講，好似接Job咁，有Job咪接囉！我覺得人生係隨遇而安嘅。（被踢爆有壓力？）每一日都有壓力！」講到「師姐」岑杏賢表示祝福，Bowie說：「同佢見過面傾過偈，佢好Nice，冇話尷唔尷尬。（開心佢開綠燈？）同事之間有咁多嘅愛係好事嚟！」有指Bowie在社交網放閃，以去年選港姐時與Ben同台的相片作封面照，她說：「嗰個Page係選完後粉絲幫我開嘅，選完後就一直用緊嗰張相，唔係我整嘅。（Fans認同你哋一對？）選完就有呢張相，都太耐以前。」
至於Ben接受電話訪問時，他表示正在深圳工作，待周六回港出席公開活動再作回應。
文：影視組