無綫黃金變陣Special Week睇晒兩劇結局！
無綫將黃金時段劇集由一周播足七日，改回原來逢周一至五播出，並安排由王浩信、蔡思貝與李佳芯主演的《踩過界》逢周六、日播放。據知，28集熱播劇《同盟》原本打算四星期內播畢，因《踩》劇於周六、日播放關係，故《同》劇大結局將安排於9月13日（周三）播映，有別於過往大結局安排於周日播出。而周四、五（9月14、15日）的空檔則會連同周六、日，一連四日播《踩過界》結局篇，換言之，該星期將是兩大劇的結局周！無綫為谷收視，打算兩劇玩Crossover搞大宣傳。
《同》劇大結局安排於周三播出，相信收視或多或少會受影響。對於節目變陣，無綫副總經理（節目及製作）杜之克受訪時指精心安排：「一個星期可以睇晒兩套劇大結局，係一個Special Week，大家會睇得好過癮！（搞Crossover谷大宣傳？）依家度緊同構思緊。」《踩》劇一連四日播結局篇，監製林志華坦言希望可搶回收視：「我哋宣傳都會『踩過界』，浩信同張振朗會去北京宣傳套劇。」
《同》劇監製文偉鴻則坦言適逢該周三是賽馬日，擔心收視受影響：「不過唔代表冇可能逆轉勝，我哋好有信心，只要個劇係好、演員有表現，必會有捧場客。」主角陳展鵬對收視仍有信心：「公司安排一定有好嘅部署！大結局嗰晚我有個馬主朋友有馬出賽，但佢依家連馬場都唔入，Book間房同朋友食飯睇我哋結局！」