美國天后Katy Perry與英國男星奧蘭度布林（Orlando Bloom）今年2月分手後，上周末被拍到於洛杉磯結伴睇Ed Sheeran開騷，Katy幾乎全程坐在對方大髀，兩人又攬又錫，翻撻成功！
Katy本月初被拍到與相識多年的男星好友羅拔柏迪臣（Robert Pattinson）於餐廳吃晚餐，關係再次惹人揣測，不過Katy的「真命天子」上周末揭曉，原來是舊愛奧蘭度！兩人現身洛杉磯斯台普斯中心，欣賞英國男歌手Ed Sheeran的演唱會，齊齊以低調打扮並戴黑色鴨舌帽，但仍被眼利的觀眾認出後偷拍。Katy大部分時間坐在奧蘭度大髀，兩人全晚攬到實，更邊睇騷邊咀嘴。
現場人士透露：「佢哋擺到明係翻撻，旁若無人咁過二人世界，亦冇被身邊人打擾，因為佢哋戴晒帽，其他人唔係好認得。」奧蘭度離開座位時被觀眾拍下，春風滿面的他更風騷地笑住向對方打招呼：「Hi，親愛的。」
Katy與奧蘭度今年2月分手，結束10個月戀情，據稱是Katy不滿對方偷食，但兩人分手後保持友好，繼續互傳短訊。今年4月，兩人於一個生日派對上碰頭，但雙方分開到場。Katy曾於電視節目自爆多位舊愛的床上功夫排名，奧蘭度不及男歌手John Mayer，但比DJ Diplo好，榮獲性愛亞軍，可能因此令女方掟煲唔掟蓋！
文：外娛組