藝人張栢芝出名是廿四孝媽媽，凡事親力親為，除了為兒子充當牙醫，同時還化身畫家、寵物護士甚至美甲師，絕對是多功能Super Woman！
前日栢芝上載7歲細仔Quintus的影片，片中可見Quintus脫了兩顆門牙，並興奮地向鏡頭說：「Thank you mammy for doing this！（多謝媽咪幫我剝牙）」原來栢芝親自為兒子剝牙，更說：「人生第一隻牙，他們兩個的也都是我一手包辦，慳番好多牙醫費。」不少網友留言讚栢芝慳家又貼地。
而昨日栢芝則晒畫功，大晒親自為胞弟張豪龍畫的肖像畫，並留言：「腰骨都痛埋，聽日再努力，係好費神！」從照片可見，栢芝繪畫過程十分認真，作品中的「豪龍」神髓與真人亦非常相似。此外，愛心爆棚的栢芝更悉心照顧患病的愛貓，用針筒餵牠食藥，負責拍攝的Quintus一見到愛貓表現興奮，令鏡頭搖晃不定，最後要栢芝出手拿回鏡頭，並拍下兒子與愛貓玩耍，意外地晒出Quintus十隻腳趾都塗上粉紅色甲油，原來栢芝同時化身美甲師，果然是多功能媽媽！
文：專案組