歐陽妙芝患甲亢暴瘦10磅
名模歐陽妙芝興趣多多，又學琴又參演舞台劇，最近她獲周大福後人周樹堂邀請，夥拍化妝師好友Gary設計沉香首飾。早前妙芝以一身型格造型擔任首飾模特兒拍硬照，看來清減不少，她自爆帶病開工：「其實我啱啱出院，影嗰日仲係有啲攰兼暈暈哋，因為患咗甲亢（甲狀腺功能亢進），新陳代謝速度太快，突然間瘦咗十磅，搞到又暈又嘔，醫生建議入院檢查安全啲。」
設計沉香首飾改善健康
妙芝表示病後更注重健康：「我同Gary都好鍾意沉香，沉香對瞓覺、健康好啲，而且係結緣，感覺保平安。周生知我哋都好鍾意，有次同佢食飯傾吓畀意見，仲上過佢辦公室，一入去好香沉香味，好正！Gary主要負責設計，我會畀意見，佢手作仔一向好叻，成日串珠仔畀我。」
文：名人組