唱經典回響大李彩華考慮出新歌

藝人李彩華於日前播出的《流行經典50年》獻唱其名曲《你唔愛我啦》，勾起不少觀眾的童年回憶，成了網民熱話。李彩華接受電話訪問時多謝大家支持，未有想過回響那麼大：「好多朋友都有Send番畀我睇，其實佢哋平時好少睇電視，咁啱今次個個都有睇。」她透露有不少網民問她為何未有獻唱其他歌曲如《愛一個人原來不易》、《分手勿語》等：「都唔知大家咁掛住我嘅歌，加上節目反應咁好，好開心。（會否重返樂壇？）對唱歌仲好有興趣，不過依家忙拍劇集。出唔出唱片就睇緣分啦，就算係都可能出歌，出碟就要考慮吓！」