陳婉衡「霸王胸」險被「辣着」

昨日楊思琦、麥長青、陳宇琛、陳婉衡、許雅婷、王寶葆（前名王宝宝）、何佩珉及陳志健等，到大埔康樂園出席由錢國偉擔任總監的網絡電影開鏡，全場最性感的Alycia，上完香正準備轉身之際，險被許雅婷及何佩珉手上的香辣到，幸好及時避開。

Alycia預告戲中繼續性感：「我演霸王花，有動作戲同性感戲服。（有幾性感？）好似依家咁，仲唔性感呀？（又性感又打，驚走光？）Fitting試過啲衫，都冇咩問題。」

許雅婷想辣王寶葆

許雅婷解釋無心想辣Alycia，她說：「係都辣王寶葆啦！佢係戲裏面嘅反派！」王寶葆以黑色魚網絲襪配黑色皮衫皮褲Look示人：「今次我演反派人物，同霸王花係敵對，有唔少打戲！」王寶葆又表示大約一個月前改名。

思琦對於會否在戲中行性感，她說：「上次都試過着泳裝拍打戲，今次唔知呢？平日我都有練馬甲線，睇吓成績再決定。（有冇瘦到？）我覺得好似Firm咗！（上圍縮水？）希望唔好啦！」

王寶葆演反派，玩黑絲透惑。

楊思琦

陳宇琛押後度蜜月

而石修兒子陳宇琛（Sam）日前在蘇格蘭與有線前主播林佑蔚（Camille），在牧師見證下註冊，他說：「我都係啱啱落機，本來呢個時間我應該同老婆喺歐洲度緊蜜月，但工作改咗，我同老婆都返咗嚟香港開工，遲啲補番數。（點補法？）有排諗呀！我哋計劃出年喺香港擺酒，但你知酒店好難Book，所以未有確實日子。」

文：影視組