店主：當我當黑啦！佢令港女蒙羞

本報事後聯絡到麵店店主蔡先生，他說：「啲湯嗰日整咗好多碗粉都冇問題，冇人投訴，佢叫我換，但我話都係換番同樣嘅湯嚟，不如換另一樣嘢食，但佢死都堅持食番，換完畀佢，佢話碗湯同佢平時食開嘅一樣，仲食清光添。」對於阿芝的指摘，他表示：「再回應只會將件事再放大，由得佢講乜就講乜啦，當我當黑啦！（佢話你哋令香港地道菜蒙羞？）佢都令香港嘅港女蒙羞，同埋我哋好微不足道，唔可以代表全港嘅地道美食，唔好將件事賴落整個行業度。」又指當時已知被阿芝影相，但不怕被網絡公審：「我哋正經做生意，我哋都有去處理個問題，佢唔接受都冇辦法。」