胡美貽被out唔知衰乜：認真便輸了！

《2017香港小姐競選》「十強誕生」記者會昨日舉行，當中多位「美麗大學」教師如陳百祥、苗僑偉、草蜢、王浩信、陳凱琳等都有出席，佳麗逐一接受司儀陸浩明訪問考驗，最終對答表現一般的胡美貽（Nicole）被淘汰出局，而其他十位順利躋身九月三日決賽的佳麗逐一抽出所屬號碼。

表現呆滯冇人喊

司儀陸浩明宣布被淘汰佳麗為Nicole時，巧合地胡美貽和金美黎都是此英文名，故兩女都大為緊張，最後叫出胡美貽名字時，她起初表現呆滯，及後強顏歡笑，更硬撐表示參選後學到很多，不會放棄！她事後受訪坦言感失望，問到事前有否自覺出局機會大？她說：「咁又唔係。（覺得有乜輸蝕？）我都想知。」提到有份評分的高層樂易玲指她表現麻麻，Nicole說：「可能都係咁啦，可以鬆口氣休息吓。（壓力大？）係呀，因為自己好認真，認真便輸了！（目標拎冠軍？）咁又唔係，入到決賽都滿足o架喇！（有冇喊？）咁又冇，班女仔都冇乜人喊，可能今次大家都有心理準備。」

胡美貽昨日在答問環節表現緊張。	十位佳麗為九月三日的決賽積極備戰。	僅5呎1吋高的梁雯蔚自言贏在有演藝經驗。

簽約無綫照入行

而賽前被指是「出局大熱」，僅5呎1吋高的梁雯蔚（Sandy），被問到覺得有何條件贏Nicole時，她說：「雖然自己比較矮，但有演藝經驗。」問到何依婷（Regina）及張寶欣為何對Nicole出局反應冷淡時，她們異口同聲表示因為鏡頭拍住，為免變花面貓故沒有喊，笑言之後可能在後台喊。

高妹黃凱琪信心十足，輕鬆晉級。

何依婷（左）及張寶欣為怕在鏡頭前變花面貓故忍着淚Say Goodbye。

此外，港姐統籌總經理余詠珊透露有兩個港姐分數很接近，而Nicole輸在狀態麻麻，她說：「不過淘汰咗都唔緊要，一樣可以入行。（會簽佢？）會！」

文：影視組