劇接劇身心疲累田蕊妮頂唔順引退？
視后田蕊妮拍劇冇停手，由《來自喵喵星的妳》、《迷》、《超時空男臣》到《誇世代》，難免身心疲累。她趁《誇》劇煞科，即在社交網表示「引退」：「從今天起再沒有別的角色，投入自己的生活裏，之後沒有計劃，沒有目標，只是好好去享受我的悠長假期，活在當下的一呼一吸之間。」經常與阿田合作的吳業坤留言：「Bye bye」，更附加Emoji喊樣，令不少網友以為她退出娛圈，紛紛留言叫阿田不要休息太久。
阿田昨日接受電話訪問時笑稱：「我咁寫嚇親大家？真係唔好意思，我只係覺得呢段時間忙於工作，係時候要好好休息，應該去到年尾都冇工作，係咪悠長假期先？哈哈！」阿田坦言若繼續拍劇，擔心會變機械人：「起碼要陪我爸爸返鄉下、同屋企人去吓旅行，可以匿喺屋企睇買咗又未睇嘅書、畫吓畫咁。（老公杜汶澤呢？）佢嚟緊要去馬來西亞工作，我應該會陪佢過去做助手，亦會趁呢段時間試吓留長頭髮。」