何紫綸復古貴婦愛波鞋

名模何紫綸（Ann）因工作關係，家中堆滿很多衣服，她說：「好彩好多都係贊助，平日我鍾意Casual Look，最愛着波鞋、運動褲，不過都鍾意買高踭鞋同首飾，所以屋企有好多高踭鞋，不時都會將啲高踭鞋捐出去，唔好嘥。」
Ann的復古造型，高貴優雅。
Ann的復古造型，高貴優雅。

Ann對於復古Look都頗喜歡，好似身上的淺藍色透視連身裙，腳踏白色高踭鞋的她說：「呢個Look好有Vintage感覺，既有透視又有Ruffle，再加上顏色個Tone，有古典味道，好女性化。我自己比較喜歡藍色，所以特別揀咗個藍色包包嚟配襯。」至於白色密頭高踭鞋，都有5、60年代Feel，所以對鞋不能太高。她又戴上耳環、頸鏈同戒指，突出到鎖骨的健康性感，她說：「個髮型唔能夠襯啲太累贅嘅耳環，所以就戴咗一粒款。」

Ann自言平日最愛着運動褲襯波鞋。
  • Ann自言平日最愛着運動褲襯波鞋。