莊思敏讀書多女冧開班談心
藝人莊思敏中學時就讀女校，身為籃球隊成員的她一頭短髮加上高挑身形，吸納大班女粉絲！她笑言當時借機開拓商機開辦補習班，年紀輕輕已甚有生意頭腦！
莊思敏（Jacquelin）昨日出席《apm世界級花式籃球匯演》，穿上運動Top兼短褲的她露出纖腰，獲希臘花式籃球達人Petros Giannakopoulos即場教授花式籃球。Jacquelin透露中二時身高已達1米74，獲教練邀請加入籃球隊，笑言為打波打得更加有型，曾經不眠不休練波。
收情信變被罰
當時剪了一頭短髮的Jacquelin讀女校，但沒有校外的師兄追求，反而吸納了不少女粉絲，更收到情信：「因為佢交封信去校務處，訓導主任就同我一齊睇，搞到我被罰。（收過咩禮物？）水啊、紙巾啊。」問到當中有沒有心儀對象及有否試愛？她坦言沒有：「不過我就開拓商機，開補習班有好多人報名，但唔係補習而係傾偈，叫佢哋畀心機讀書！練波嗰陣佢哋又會嚟睇，好尷尬。」
提到打籃球，Jacquelin坦言曾有不快回憶：「有爭鬥囉！（爭仔？）唔係，比賽嗰陣兇狠，有隊員畀人撞斷手，我哋就喺更衣室度報仇！我都惡o架！打波嘅人都知，比賽脾氣會暴躁。」
文：名人組