洪天明獅吼功喝停奀皮仔
藝人洪天明與前港姐周家蔚（Janet）婚後誕下兩子，日前一家現身將軍澳享受家庭樂，及後Janet先行走人，天明就化身湊仔公，獨力照顧兩個活潑到暈、冇時停的囝囝。期間大仔洪大仁（TJ）愈走愈遠，天明即大嗌TJ返回身邊，更急跑上前當街捉仔。
洪天明與前港姐Janet婚後育有大仔TJ及細仔洪竟琋（JT），雖然Janet最近忙於打理其美容生意，但仍盡量抽時間照顧一對兒子，日前他們一家四口便現身將軍澳享受天倫樂。大約下午二時，天明夫婦與兩子在商場內的食肆醫肚後步出，在商場逛了一會，期間一對兒子表現活潑，沿途不時紮紮跳。
弱質纖纖臂力驚人
當天明於商場櫃位辦泊車優惠時，細仔JT即手指指，大叫媽咪抱他玩耍。見弱質纖纖的Janet臂力驚人，一手抱起JT扮「空中飛人」，另一隻手就做出超人手勢，與哥哥TJ扮超人，認真廿四孝媽咪，絕不會「顧得大時忽略細」。
尖叫喪跑冇時停
及後Janet因要工作先乘港鐵離開，天明即化身帶子「洪」郎做湊仔公，見他一拖二步往停車場時，細仔JT不時尖叫，大仔TJ又興奮到周圍跑，追都追唔切。天明遂大聲嗌TJ返回身邊，並急步跑上前捉仔，幾經辛苦才降服兩名囝囝齊齊返歸。
文：追蹤組
攝：攝影組