鄭少秋拒父女檔開公司：我半退休啦！

鄭少秋對於女兒欣宜有自己的公司，大感安慰。昨日他透過短訊回覆：「我都知道呢件事，阿囡有同我講蕭定一為佢開咗一間公司，佢有自主及控制權，我覺得咁樣幾好吖，佢有佢嘅理想，有佢自己嘅概念，欣宜近年喺音樂方面發展幾好，有自己公司可以照佢自己意思去做，好好呀！（你哋父女有冇諗過成立公司齊齊發展音樂事業？）我哋唔會一齊做啦！佢依家正值搏殺期，我就半退休啦！」