荷里活女星安祖蓮娜祖莉（Angelina Jolie）去年9月突然申請與影星老公畢彼特（Brad Pitt）離婚，震驚國際，但有指兩人隨後沒有繼續辦離婚手續，原因是畢佬承諾戒酒，大有機會破鏡重圓！
荷里活金童玉女畢佬與安祖蓮娜去年宣布離婚，令不少粉絲心碎，據指安祖蓮娜不滿畢佬在飛機上飲醉酒，又粗暴對待養子而提出離婚，更傳出畢佬另結瑪莉安歌迪雅與絲安娜美娜，但離婚一事或有轉機！
美國娛樂雜誌《Us Weekly》稱53歲畢佬與42歲安祖蓮娜已經取消離婚，並引述知情者消息：「離婚已經取消！數個月嚟佢哋根本冇做任何嘢去進一步辦離婚，亦冇人覺得佢哋將會繼續咁做，所有人都認為畢安會復合。如果佢哋真係宣布取消離婚、希望好好解決問題，大家都唔會覺得好驚訝，佢哋現時為咗仔女都相處得唔錯。」
今次能夠打動安祖蓮娜回心轉意，全因畢佬於今年5月接受《GQ》雜誌訪問時表示已經戒酒，坦言不再想要這種生活方式，現時只喝紅莓汁或梳打水。一直以來，安祖蓮娜都希望畢佬成功戒酒，她的友人爆料：「畢佬承諾改過，成功打動安祖蓮娜，佢不時都講如果畢佬肯全心全意照顧好家庭，就願意復合。」
不過有傳媒作出反面報道，引用其他「內幕人士」表示畢安復合無望：「離婚程序的確係停咗，因為佢哋都將子女放喺首位，但佢哋嘅關係就冇好重要嘅改變。佢哋之間亦冇仇口，為咗班細路都表現得好客氣。暫時佢哋都唔會復合，要傾掂離婚要搞好耐，依家佢哋都係集中照顧家庭同細路。」
文：外娛組